Hissa?

jájájá ég er á lífi gott fólk, alveg róleg! Hef bara þjáðst af bloggfælni síðustu daga/vikur/mánuði en er öll að koma til eftir stífa endurhæfingu.
Ég eyddi jólunum á Kanarí, hef ekki komið á sólarströnd í ein 20 ár held ég, talandi um að vera að verða gamall... að geta talað um eitthvað sem maður gerði fyrir 20 árum hljómar ekki mjög vel þegar manni finnst maður enn vera 16.. sei sei. En það var alveg hreint glimrandi á Kanarí, sól og blíða og ég náði mér meira að segja í örlitla sólbrúnku, alveg magnað. Ég var ekki með neina myndavél með í för en kannski ég reddi mér einhverjum myndum frá ma og pa, er alltof löt í þessu myndastússi...ja eða bara ansi hreint löt svona yfirleitt.

Bloggþerapistinn minn ráðlagði mér að flýta mér hægt í að byrja að skrifa aftur, baby steps, baby steps, svo ég læt gott heita í bili. Ciao...